Utanon

Posted: July 21, 2011 in Poem
Tags: ,

by: Danilo Superable
Performed by: Miguel H. Lagado

Diri kita maaram inin lakat hin panahon,
Mga presyo han papliton dagmit naghitas-on,
An pakiana kon ano angay buhaton,
Pagtanom ha luyo, bisan ano nga utanon.

Aadi an ganas laga-a la kay napabalhas,
Salaktan hin kamatis, ngan maguti nga sibuyas,
Ipakaon ha mga bata labi na ngadto ha mga lagas,
Bitamina kargado maupay pa ha lawas.

Langka nga masaputok, ha bata napatambok,
Lawot-lawot marasa bisan ngane magpurot,
Dagmay nga masustansiya labi na kon mahatok,
Pagkaon nga may utan, sekreto la nga napatambok.

An karubasa siring han iba para ha mata,
Pagkaon mo hine napalamrag han imo pagkita,
Tarong nga haglaba, bonayan mo may torta ka na,
Marigoso mapait pero mabitamina.

Buksol nga upo daw sustansiyado,
Isaw-saw ha suoy an tiniros nga Pipino,
Kamote nga de-ube pwede ipaprito,
Ngan tuonan hin saging ma-usa ka kardero.

Lazona, lemonsito nga tanom ko ha luyo,
Dagmit ko nakukuha diri na mapa-merkado,
May panakot ko na, waray pa gasto,
Dako nga bulig ha amon nga kablasado.

Nanay ko, O tatay ko,
Tuna ta ha luyo tatanuman ko,
Mga utanon igtatanum ko,
Para makabulig ha akon ngan ha iyo.

Comments
  1. kaupay nga “poem”. hala, pagtanum kita ha aton bungsaran!

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s